وەزیرێ ئەوقاف و کاروبارێن ئایينی تایبەت بۆ خانی نیوز بەحسێ رێکارێن خوە پاراستنێ و رێنمایێن مەھا رەمەزانێ کرن و داخواز ژ نڤێژکەران کر کۆ پابەندی رێنمایێن وەزارەتا ساخلەمیێ بن، گۆت ژی مەترسییا کۆرۆنایێ رۆژ بۆ رۆژێ زێدەتر لێ دھێت ئەگەر ئەم ھەموو پابەند نەبین ب رێنمایان دێ زیانەکا مەزن گەھیتە ھەموو خەلکێ کوردستانێ.
د. پشتیوان سادق وەزیرێ ئەوقاف و کاروبارێن ئایينی یێ حکومەتا ھەرێما کوردستانێ ئەڤرۆ 29-3-2021 سەرەدانا پارێزگەھا دھۆکێ کر و د روونشتنەکێ دا دگەل ھەر حەفت رێڤەبەرێن ئەوقافێن دەڤەراداریێن پارێزگەھا دھۆکێ و ھەر دوو رێڤەبەرێن ئەوقافێن کار و بارێن ئێزدییان و مەسیحيیان پێداگیری ل پابەندبوونا رێنمایێن وەزارەتا ساخلەمیێ کر و ھەموو رێڤەبەری راسپاردن کو ب رێکا ماموستایێن ئۆلی تەخ و چینێن جڤاکی ب رینمایان ھشیارکەن.
خانی نیوز، عەبدوللا عەلی
