گولیزار ره‌شید، ئه‌ندام په‌رله‌مانا كوردستانێ تایبه‌ت ب خانی نیوز راگه‌هاند، ئه‌و ئیدانا ئاخفتنا ئه‌ندام په‌رله‌مان هاورێ مه‌لا ستار دكه‌ن ده‌ما د ناڤا هۆلا په‌رله‌مانی دا گۆت: حكومه‌تا مه حكومه‌ته‌كا مێیه و ژبه‌ركو ئاخفتنا وی بێ رێزییه به‌رامبه‌ر هه‌می ئافره‌تان.
گولیزار ره‌شید راگه‌هاند ژی، مه‌ره‌ما وی ژ وێ ئاخفتنێ ئه‌و بوو كو حكومه‌تێ كێم بكه‌ت لێ د راستی دا وی بێ رێزی به‌رامبه‌ری ئافره‌تێ كریه چۆنکی چ جوداهی د ناڤبەرا ئافرەت و زەلامی دا نینە و ئافرەت دایک و خویشکێن وینە، ئه‌ڤه‌ژی د ده‌مه‌كێ دایه كو فراكسیۆنا وی دبێژیت: ئافره‌ت نیڤه‌كا كۆمه‌لگه‌هێیه و وی د ئاخفتنا خوه دا ئافره‌ت كێم نرخاند.
زێده‌تر گۆتژی، ئه‌وان نه‌رازیبوونا خوه دیاركر ل به‌رامبه‌ری ڤێ چه‌ندێ و ئه‌و دا سكالایێ ل سه‌ر تۆماركه‌ن، لێ جێگرێ سه‌رۆك فراكسیۆنا ئێكه‌تی داخازا لێبورینێ خواست ژ هه‌می ئافره‌تێن د ناڤ هۆلا په‌رله‌مانی دا و هه‌می ئافره‌تێن هه‌رێما كوردستانێ.
