بریار ئەوە پێشەسازییا نھا یا دھۆکێ بھێتە ڤەگۆھاستن بۆ دەرڤەی سەنتەرێ باژاری، و دەمەکە ژلایێ کۆمپانییەکا ناڤخوەیی ڤە کار ل سەر پێشەسازییا نوو ل ئالۆکا دھێتەکرن، کۆ ب شێوەیەکێ سەردەمانە دھێتە درۆستکرن و کار ل سەر یێ بەردەوامە.
دلوڤان به‌ره‌كات ئەندازیارێ سەرپەرشتییارێ پرۆژەی بۆ خانی نیۆز دیارکر: نھا 75% کارێ ھەر سێ زۆنێن سەرەکی یێن پرۆژێ پێشەسازییا نوو یا دھۆکێ ب داوی ھاتییە، بریار ئەوه ل مەھا ھەشت یا ئەڤ سالە بھێتە رادەستکرن بۆ قەرەبووکرنا جھێن کاری ل پێشەسازییا دھۆکێ.
ناڤبری خویاکر ژی: پرۆژە ژ دوو ھزار یەکەیێن پێشەسازی ژ رووبەرێن جۆدا ( 40 تا 1000) مەتران پێکدھێت، پرۆژە ل سەر رووبەرێ 305 دوونەمێن ئەردی و ب کۆژمێ 72 ملیۆن دولاران دھێتە درۆستکرن.
