پهیڤدارێ حكومهتا ههرێما كوردستانێ راگههاندنهك ل دۆر روونشتنا ئهڤرۆ یا پهرلهمانی بهلاڤكر و راگههاند: مخابن ئهوا ئهڤرۆ مه ل پهرلهمانێ كوردستانێ دیتی ب تنێ خوه دهرخستن و دروستكرنا كهرب و كینێ و ئالۆزییێ بوو.
د. جۆتیار عادل پهیڤدارێ حكومهتا ههرێمێ گۆتییه ژی، حكومهتا ههرێما كوردستانێ بهردهوام ههول ددهت ژ بۆ خزمهتكرنا وهلاتییان و دابینكرنا ژیارا وان و ئارامیێ و خزمهتكرنا ههموو تهخ و چینێن ههرێما كوردستانێ.
ل دۆر ئهوا ئهڤرۆ دهربارهی حكومهتێ ژ لایێ پهرلهمانتارهكێ ئێكهتیێ ڤه هاتییه كرن، پهیڤدارێ حكومهتێ بێ ناڤ ئینانا وی راگههاندییه، مخابن هندهك كهس ههنه كو خوه ب نوونهرێ گهلی دزانن، لێ دهستهواژهیێن كرێت و دوو ژ كارێ پهرلهمانی و سیاسی ب كار دئینن و رهفتارێن نه ههژی ئهنجام ددهن، وهكو ئهوا ئهڤرۆ مه ل پهرلهمانێ كوردستانێ دیتی ب تنێ خوه بۆ دهرخستن و دروستكرنا كهرب و كینێ و ئالۆزییێ یه.
دوپاتكریهژی، حكومهتا ههرێما كوردستانێ ب رێزگرتنڤه تهماشهی كارێ پهرلهمانی دكهت و باشترین پهیوهندی ژی ل گهل دامهزراوهیێن دهستوری و پهرلهمانێ كوردستانێ ههیه.
گۆت ژی، ئهو چاڤهریێ وێ یهكێ ژ پهرلهمانتاران دكهن كو د چارچۆڤێ یاسا و رێسایان دا سهرهدهریێ بكهن و بهرگریێ ژ مافێ ههموو تهخ و چینێن جڤاك بكهن
