ب تۆمه‌تا كۆشتنا كورێن وان د خوه‌نیشاندانێن ئۆكتۆبه‌رێ دا، پێنج خێزانێن ئیراقى ل دادگه‌هه‌كا فه‌ره‌نسا سكالا ل سه‌ر سه‌رۆك وه‌زیرێن پیشتر یێ ئیراقێ ل تۆماركر.
ئاژانسا فرانس پرێس به‌لاڤكرییه، ل سه‌ر كوشتنا كورێن وان د خوه‌نیشاندانان دا، پێنج خێزانێن ئیراقى سكالا ل سه‌ر عادل عه‌بدولمه‌هدى، سه‌رۆكوه‌زیرێن پێشتر یێن ئیراقێ ل دادگه‌هه‌كا فه‌ره‌نسا تۆماركر و لیستا تۆمه‌تان ژى ژ 80 لاپه‌ران پێكدهێت.
وان خێزانان تۆمه‌تا تاوانێن دژى مرۆڤى و ئه‌شكه‌نجه‌دان و بێسه‌روشوونكرنێ دایه پال عه‌بدولمه‌هدى ل خوه‌نیشاندانێن ئۆكتۆبه‌را سالا 2019ێ.
ل گۆره‌ى ئاماران، نێزیكى 600 كه‌سان ل خوه‌نیشاندانێن ئۆكتۆبه‌را سالا 2019ێ هاتینه كۆشتن و زێده‌ترى 30 هزار كه‌سان ژى برینداربوون.
