سەرۆکێ هەلبژارتیێ ئەمریکا، داب هالاندی بۆ پۆستێ وەزیرا ناڤخوه یا ئەمریکا بەربژار کریه، جارا ئێكێ یه کەسه‌كا ئاكنجییا ره‌سان ل ئەمریکا بۆ وى پۆستى دهێته بەربژار كرن.
هالاند ئەنداما کۆنگرێسیە ژ ویلایەتا نیو مەکسیکۆ، بۆ پۆستێ وه‌زاره‌تا ناڤخوه هاتیه ده‌ست نیشانكرن، هەر چەندە دیموكراتان ترسا هندێ هه‌یه كو ژ ئه‌گه‌رێ دەستنیشانکرنا وێ، کورسییەکێ ل جڤاتا نونه‌ران ژ دەست بدەن.
هه‌كه جڤاتا پیران د بەرژەوەندیا وێ بەربژارێ دا دەنگى بده‌ت، هالاندا 60 سالى، دێ بیتە ئیکەم ژن یا ب ره‌گه‌ز هندیا سۆر، بگه‌هیته وى پۆستێ بلند د حکومەتێن ویلایەتێن ئێکگرتى یێن ئەمریکا دا.
هالاند ژ هۆزا ‘لاگۆنا بۆیبلو’یە، کو ئاخا وێ هۆزێ دکەڤیتە ناڤ ویلایەتا نیو مەکسیکۆ.
