ھەرچەندە ھێشتا ب فەرمی نەھاتیە راگەھاندن، بەلێ ھەردو حکومەتێن ھەرێم و بەغدا بەر ب رێکەفتنێ دچن، پەرلەمانتارەکێ پارتی ژی ل بەغدا ئاشکراکر، ھەردولا دێ پێگیریێ ب رێکەفتنا خوه کەن، ژبه‌ركو رەوش وەسا دخوازیت.
بەیار دۆسکی، پەرلەمانتارێ فراکسیۆنا پارتی ل پەرلەمانێ عێراقێ بۆ خانی نیوز دیارکر، گاڤێن باش بۆ چارەکرنا ئاریشەیێن د ناڤبەرا ھەرێم و بەغدا دا ھاتینە ھاڤێتن و ل گۆرەی زانیاریان گەھشتینە رێکەفتنێ، تایبەتی ل دۆر بودجێ ٢٠٢١ێ، بەلێ ھێشتا ب فەرمی رێکەفتن نەھاتیە ئاشکراکرن تنێ وەزیرێ دارایی و ئابووریا عێراقێ ئەو چەندە پشتراستکریە.
به‌یار دۆسكى گۆت ژی: ھەردو حکومەتێن ھەرێما کوردستانێ و یا فیدرال دزانن رەوشا نوکە پێدڤی ب ھەڤکاریێ ھەیە ل سەر بنەمایێ دستووری و پێدڤیە سەرەدەریێ دگەل ئێک بکەن.
دۆسکی ئاماژەکر، ئەو ب باوەره ھەردو حکومەت دێ پێگیریێ ب رێکەفتنا ڤێ جارێ کەن، ژبه‌ركو ھەر رێکەفتنەک د ناڤبەرا ھەرێم و بەغدا بھێتە ئیمزاکرن دێ د بەرژەوەندیا ھەردو لایان دابیت.
ھەولێر، قائید میرۆ
