وه‌زاره‌تا نه‌فتا ئێراقێ رێژا هنارتن و داهاتێ نه‌فتێ ئاشكراكر

وه‌زاره‌تا نه‌فتا ئێراقێ رێژا هنارتن و داهاتێ نه‌فتا هه‌یڤا بورى(چریا دووێ) به‌لاڤكر كو زێده‌تر ژ سێ ملیار و 403 ملیون دولارایه‌‌.

ل دووڤ راگه‌هاندنا وه‌زاره‌تا نه‌فتا ئێراقێ ل هه‌یڤا بۆرى، ئێراقێ ب رێكا كومپانیا سۆمۆ 81 ملیون و 262 هزار و 476 به‌رمیلێن نه‌فتا خاڤ هنارتینه‌، سه‌رجه‌مێ داهاتى ژى گه‌هشتییه‌ سێ ملیار و 403 ملیون و 722 هزار دولارا.
د وێ راگه‌هاندنێ ژى دا دیاركرییه‌ كو بارزنینگه‌هێن ناڤه‌راست و باشوورێ ئێراقێ نێزیكى 78 ملیون و 190 هزار و 444 به‌رمیلێن نه‌فتێ هنارتینه‌ و داهاتێ ب ده‌ستڤه‌ ئینایى گه‌هشتییه‌ سێ ملیار و 282 ملیون و 394هزار دولارا.

وه‌زاره‌تا دارایى ژى ئاماژه‌ دایه‌ كو بارزنینگه‌هێن كه‌ركیكێ ل رێكا به‌نده‌رێ جیهانێ توركى دوو ملیون و 819 هزار و 169 به‌رمیلێن نه‌فتێ هنارتینه‌ و داهاتێ ب ده‌ستڤه‌هاتى گه‌هشتییه‌ 114 ملیون و 588 هزار و 470 دولارا، هه‌روه‌سا 252 هزرا و 763 به‌رمیلێن نه‌فتێ هنارتینه‌ ئوردنێ و داهاتێ وێژى گه‌هشتیه‌ شه‌ش ملیون و 739 هزار و 683 دولارا. وه‌زاره‌تا نه‌فتێ ئه‌و چه‌نده‌ ژى دیاركرییه‌ كو ئێك به‌رمیلا نه‌فتا خاڤ ب 41.886 دولاران فروشتییه‌.

وه‌زاره‌تا نه‌فتا ئێراقێ به‌حسێ وێ چه‌ندێ ژى كرییه‌ كو رێژا داهاتێ نه‌فتێ بۆ ب ده‌ستڤه‌ئینانا داهاتێ زێده‌تر ب بهایه‌كێ گرانتر ل چریا دووێ، هنارتیێ وان ژى گه‌هشتییه‌ شه‌ش ملیون و 532 هزاران و350 دولاران.

بریارا رێكخراوا ئوپێك پله‌س بۆ كێمكرنا به‌رهه‌مئینانا نه‌فتێ، كومپانێن خۆ نه‌چاركرینه‌ بۆ دابینكرنا رێژا نه‌فتا پێدڤى و ب بهایه‌كێ گرانتر نه‌فتێ بكرن، ئێراق ژى ب رێكا فرۆشتنا نه‌فتێ ب بهایه‌كێ زێده‌تر دێ هه‌یڤانه‌ داهاتێ زێده‌تر ب ده‌ستڤه‌ئینیت.