ب مه‌ره‌ما راكرنا قه‌ده‌غێ ل سه‌ر یاریگه‌هێن ته‌پاپێ یێن ئیراقێ، سه‌رۆكێ فیفایێ دێ سه‌ره‌دانا به‌غدا كه‌ت.
وه‌زیرێ وه‌رزش و لاوان یێ ئیراقێ راگه‌هاند، ل ڤان نێزیكان و ب مه‌ره‌ما راكرنا قه‌ده‌غێ ل سه‌ر یاریگه‌هێن ته‌پاپێ یێن ئیراقێ، سه‌رۆكێ ئێكه‌تییا ته‌پاپێ یا جیهانێ فیفایێ دێ سه‌ره‌دانا به‌غدا كه‌ت.
عه‌دنان درجال، وه‌زیرێ وه‌رزش و لاوان یێ ئیراقێ ل ده‌وحه‌یا پایته‌ختێ وه‌لاتێ قه‌ته‌رێ دگه‌ل جیۆڤانى ئینفانتینۆ، سه‌رۆكێ ئێكه‌تییا ته‌پاپێ یا جیهانێ كۆم بوو و بابه‌تێ راكرنا قه‌ده‌غا ل سه‌ر یاریگه‌هێن ته‌پاپێ ل ئیراقێ گۆتوبێژكرن.
عه‌دنان درجال راگه‌هاند، وى داخواز ژ جیۆڤانى ئینفانتینۆ كرییه سه‌ره‌دانا ئیراقێ بكه‌ت، پێخه‌مه‌ت چاڤدێریكرنا پرۆسا راكرنا قه‌ده‌غێ ل سه‌ر یاریگه‌هێن ته‌پایێ، جیۆڤانى ل سه‌ر وێ داخوازێ رازى بوویه ول ده‌مه‌كێ نێزیك دێ سه‌ره‌دانا ئیراقێ كه‌ت.
