ئاكنجیێن باژێرێ لەندەنا پایتەختێ بریتانیا ژ ئه‌گه‌رێ ترسا ڤایرۆسه‌كێ نوى، ب كۆم باژێرى دهێلن.
ل گۆره‌ى نووچه‌یێن میدیایێن بریتانى، قەرەبالغیه‌كا مه‌زنل ویستگەهێن شەمەندەفەران ل لەندەن دروست بوویە و خەلکێ وى باژێرى دڤێت بەرى توندكرنا رێنمایێن خوه‌پاراستنێ ژ باژێرى ده‌ركه‌ڤن.
ژبلى ویستگه‌هێن شەمەندەفرێ، رێكێن ده‌رڤه یێن لەندەن بۆ باژێرێن دی یێن وى وه‌لاتى قەرەبالغیه‌كا مه‌زنپه‌یدا بوویه.
چوونا ژ ده‌رڤه یا ئاكنجیێن لەندەن ژ ئه‌گه‌رێ داخویانییا بەرپرسێن حکومەتا بریتانیه، کو راگەهاندیه، جۆره‌كێ دی یێ ڤایرۆسێ کۆرۆنا ل لەندەن و باژێرێن باشوورێ وه‌لاتێ وان سەر هه‌لدایه و بله‌ز به‌لاڤ دبیت.
بۆریس جۆنسۆن، سەرۆکوەزیرێن بریتانیا ژئه‌گه‌رێ وى جۆرێ نوى یێ ڤایروسێ کۆرۆنا، هەمى ئاهەنگێن تایبەت یێن شەڤا سەرێ سالێ هەلوه‌شاندن و حکومەتێ راگەهاند، ئەو ڤایرۆسێ نوى ژده‌ستان ده‌ركه‌فتیه.
