زه‌ریفى ئه‌ڤرۆ ژ بۆ ناڤبه‌ینكارییا كوردستان و ئیراقێ دێ ل هه‌ولێرێ بیت

بریاره‌ وه‌زیرێ ده‌رڤه‌ یێ كۆمارا ئیسلامییا ئیرانێ ئه‌ڤرۆ سه‌ره‌دانا هه‌ولێرێ بكه‌ت و د گه‌ل به‌رپرسێن هه‌رێما كوردستانێ كۆم ببیت و چه‌ندین پرسان گۆتوبێژ بكه‌ت.

محه‌مه‌د جه‌واد زه‌ریفى د چارچووڤێ سه‌ره‌دانه‌كێ دا بۆ ده‌ڤه‌رێ و پشتى سه‌ره‌دانا قه‌ته‌ر و به‌غدا كرى، بریاره‌ ئه‌ڤرۆ سه‌ره‌دانا هه‌ولێرێ بكه‌ت و په‌یوه‌ندیێن د ناڤبه‌را هه‌ولێرێ و ته‌هرانێ دا د گه‌ل به‌رپرسێن هه‌رێما كوردستانێ گۆتوبێژ بكه‌ت.

زه‌ریفى دوهى رۆژا دوشه‌مبى ب سه‌ره‌دانه‌كێ گه‌هه‌شتبوو به‌غدایا پایته‌ختێ ئیراقێ و پشتى د گه‌ل فوئاد حسێن، وه‌زیرێ ده‌رڤه‌یێ ئیراقێ كۆم بووى راگه‌هاندبوو، پێدڤییه‌ هه‌موو كێشێن ده‌ڤه‌رێ ب دانوستاندنێ چاره‌ ببن.