نه‌فت و كۆرۆنا بووینه‌ گه‌ف ل سه‌ر بۆدجه‌یێن وه‌لاتێن كه‌نداڤى

ئاژانسا فيچ راگەهاندییه‌، ڤایرۆسێ کۆرۆنایێ و داكه‌فتنا بهایێ نەفتێ دو هۆکارێن سەرەکینه‌ د زێده‌بوونا کورتئینانا بودجه‌ى ل وه‌لاتێن کەنداڤى، كو فرۆتنا نه‌فتێ ب ژێده‌رێ سەرەکی یێ داهاتێ وان وه‌لاتان دهێته‌ دانان.

هه‌روه‌سا ئاژانسا پلەبەندییا ئابوورییا وه‌لاتان، د دووماهى راپۆرتا خوه‌ دا راگه‌هاندییه‌، داكه‌فتنا بهایێ نەفتێ و بەردەوامییا ڤایرۆسێ کۆرۆنایێ دبیته‌ ئه‌گه‌رێ مه‌زنبوونا قەبارێ کورتئینانێ ل وه‌لاتێن کەنداڤى.

ئه‌و ژى گۆتییه‌، هه‌ر ئێك ژ قەتەر و ئیمارات ئاستێ داهاتێ وان ژ خەرجییان زێده‌تر دبیت، دیسان‌ كورتئینان د بودجێ بەحره‌ینێ و کوێتێ دا هه‌ر دێ مینیت، د هه‌مان ده‌مدا ل ئێراقێ ژى قەبارێ کورتئینانێ د  ئاسته‌كێ بلند دایه‌.