سەرۆکوەزیرێن ئێراقێ راگههاند، ئهو ب خوه دێ دووڤچوون و ڤهكۆلینێ د روودانا نهخۆشخانا ئبن خەتیب دا ل باژێرێ بەغدا دا كهت، گۆتییه ژى، دێ هەلسەنگاندنێ بۆ وەزیر و بەرپرسان کەین و دێ بریارێن گران دهین.
مستەفا کازمی، ئهڤرۆ د كۆمبوونا جڤاتا وەزیران دا راگەهاند، ئەندامێن تیمێ ڤهكۆلینێ د روودانا نەخۆشخانا ئبن خەتیب ب درێژاهییا دهمژمێران کاردکەن و ئهو ب خوه دووڤچوونا وان دكهت، نوكه چاڤهرێى راپۆرتا وێ تیمێ دكهین و د دهمێ دیار کریێ خوه دا و ب تەمامی دێ پشت ب ئەنجامان بەستین.
