ئه‌مریكا نیازا ڤه‌كێشانا هێزێن خوه‌ ژ ئیراقێ نینه

فه‌رماندارێ ناڤه‌ندى یێ هێزێن ئه‌مریكا دوپاتكر، ئه‌مریكا نیازا ڤه‌كێشانا هێزێن خوه‌ ژ ئیراقێ نینه‌ و ل سه‌ر داخوازا وى وه‌لاتى ماینه‌.

جه‌نه‌رال كێنێت مه‌كێنزى، فه‌رماندارێ فه‌رمانده‌یا ناڤه‌ندى یا هێزێن ئه‌مریكا د دیداره‌كا ته‌له‌ڤزیۆنى دا راگه‌هاد؛ ویلایه‌تێن ئیكگرتى نیازا ڤه‌كیشانا هێزێن خوه‌ ژ ئیراقێ نینه‌ و ل سه‌ر داخوازا حكومه‌تا ئیراقێ ئه‌و ل وى وه‌لاتى ماینه‌.

گۆت ژى: شه‌رێ داعشێ هێشتا ب داوى نه‌هاتییه‌ و ژ به‌رڤێ یه‌كێ ب هاریكارییا هه‌ڤپه‌یمانان ئه‌و دێ ل سه‌ر به‌رهنگاربوونا تیرۆرێ به‌رده‌وام بن.

ئاماژه‌ ب وێ یه‌كی ژى دا، میلیشیایێن سه‌ر ب ئیرانێ رۆله‌كی خراب ل ئیراقێ هه‌یه‌ و مه‌ترسییا راسته‌خۆ ل سه‌ر سه‌روه‌رییا وى وه‌لاتى دروستكرییه‌.

جه‌نه‌رال كێنێت مه‌كێنزى گۆت ژی: ب بریارا جۆ بایدن، سه‌رۆكێ ئه‌مریكا به‌رى 11ى سپته‌مبه‌رێ ئه‌و دێ هه‌موو هێزێن خوه‌ ژ ئه‌ڤغانستانێ ڤه‌كێشن، لێ دوپاتى ل سه‌ر مانا هێزێن خوه‌ ل ئیراقێ كر.