سهرۆكێ حكومهتا ههرێما كوردستانێ ل دۆر هێرشا ئهڤرۆ سپێدێ یا تیرۆرستێن داعشێ ل سهر هێزێن پێشمهرگهى راگههاند، چهندین جاران ئهوان دوپات كرییه كو داعش مژوولى خوه رێكخستنێ یه و تا نها ژى گهف و ترسهكا راستهقینهیه ل سهر چهندین دهڤهرێن ئیراقێ و ب تایبهت دهڤهرێن كوردستانى یێن دهرڤه ئیدارا ههرێمێ، كو مفاى ژ ڤالاتییا ئێمناهیى ل وان دهڤهران دبینن.
مهسروور بارزانى د پهیامهكێ دا دوپاتى ل گرنگییا ههماههنگییا ئێمناهى د ناڤبهرا هێزێن پێشمهرگهى و سوپایێ ئیراقێ دا كر و راگههاند، بهردهوامبوونا راهێنان و هاریكاریكرنا هێزێن پێشمهرگهى و سوپایێ ئیراقێ ژ ئالییێ ههڤپهیمانان ڤه و مانا وان ل ئیراقێ بۆ بهرهنگاربوونا تیرۆرستێن داعشێ ب گرنگ و پێدڤى دزانن.
