وه‌لاتیێن ئیراقێ دێ ژ هندستانێ ڤه‌گه‌رن

پشتى زێده‌بوونا ترسا ڤایرۆسێ كۆرۆنایێ ل هندستانێ، دێ ئێكه‌م کاروانێ ئیراقییان ژ هندستانێ ڤه‌گه‌ریت.

فرۆکەیەکا هێلا ئه‌سمانى یا ئیراقى، ئه‌ڤرۆ رۆژا دوشه‌مبى بەر ب هندستانێ چوو بۆ ڤه‌گه‌راندنا وه‌لاتیێن ئیراقى.

ب ئه‌گه‌رێ ڤایرۆسێ کۆرۆنایا نوو یا هندستانى، ساخله‌مییا هندستانێ د نها دا د ره‌وشه‌كا دژوار دایه‌ و دو حه‌فتیه‌ رۆژانە نێزیكى 400 هزار کەس تووشی ڤایرۆسێ کۆرۆنایێ دبن.

ل هندستانێ تا نها  19 ملیۆن و 929 هزار و 702 کەس تووشی ڤایرۆسێ کۆرۆنایێ بووینه‌، هه‌روه‌سا 218 هزار و 967 کەسان گیانێ خوه‌ ژ ده‌ست دایه‌.