پاپایێ ڤاتیكانێ پێشوازی ل وەزیرێ دەرڤه‌ یێ ئێراقێ كر

پاپا فرانسیس پاپایێ ڤاتیكانێ، ئه‌ڤرۆ پێشوازی ل د. فوئاد حسێنى وەزیرێ دەرڤه‌ یێ ئێراقێ كر و د كۆمبوونەكێدا پاپاى ب سوپاسیڤە به‌حسێ سەره‌دانا خوه‌ یا ڤێ داویێ بۆ ئێراق و هەرێما كوردستانێ كر.

ماتیۆ برۆی، رێڤەبەرێ نڤێسینگه‌ها رۆژنامەڤانی یا پاپایێ ڤاتیكانێ گۆت: ئەڤرۆ پاپا ل گەل وەزیرێ دەرڤه‌ یێ ئێراقێ كۆمبوویه‌، ب سوپاسیڤە به‌حسێ وێ پێشوازییا گەرم كر، یاكو خه‌لكێ كوردستانێ و ئیراقێ لێ كرى.

پاپا فرانسیس ل پێنجی مانگا ئادارا بوورى سەره‌دانه‌كا مێژوویی بۆ ئێراقێ و هەرێما كوردستانێ ئه‌نجامدابوو.