خانی نیۆز:
لیونێل میسی کاپتنێ یانەیا بارسێلونا نویترین وێنەیێن وی ل کەنالێ lasexta tv ل گەل رۆژنامەنڤیس (جوردی ئیڤولی) ل کەنالی بەلاڤدبن، کو بەحسێ چارەنڤیسێ خۆ دگەل یانەیا بارسێلونا دکەت و ل گورەیی میدیایێن ئیسپانی باسێلونا دانوستاندن بۆ ڤەگۆھاستنا دوو یاریکەران کرییە.
و ل دووڤ رۆژنامەیێن سپورتا کەتەلونی دیارکرییە کو لیونێل میسی کاپتنێ بارسێلونا دشێت تا ١٠ رۆژێن دی چارەنڤیسێ خۆ ئیکلا بکەت، ھەتا نوکە ژی یانەیێن پاریس سان جیرمان و مان ستی شیانێن داری ھەنە و دشێن مێسی بڤەگۆھێزن.
ژێدەرەکی ژی وەسا نڤیسییە کو دێ چ روو دەت ھەکە مێسی ل وەرزێ زڤستانێ بچتە پاریس سان جیرمان د قوناغا ١٦ ێ یا چامپیونزلیگێ ئەو ل دژی بارسێلونایێ یاریێ دێ بکەت؟
ئەڤە و د دەمەکیدایە کو خوان لاپورتا بەربژێرێ سەرۆکایەتییا یانەیا بارسێلونا دیارکرییە کو وی دگەل مێسی دانوستاندن کرییە، بەلێ ناڤەرۆکا وێ ئاشکرا نەکرییە.
میدیایێن ئیسپانی ئاماژە ب وێ چەندێ ژی کرییە کو لیونێل مێسی پشگیرییا چ بەربژێران بۆ سەرۆکاتییا بارسێلونایێ ناکەت.
رۆژنامەیا موندۆ دیپورتیڤۆ یا کەتەلونی د راپورتەکێدا ئاشکراکرییە کو بارسێلونا نەشێت و ل دووڤ ڤی دوخێ ب زحمەت مووچێ زەبەلاحێ مێسی دابینبکەت.
ژێدەرەکی ژی وەسا نڤیسییە کو بارسێلونا بۆ ڤەگوھاستنا ئێریک گارسیای یاریزانێ مان ستی و مێمفیس دیپای ھێرشبەرێ لیونێ دەست ب دانوستاندنان کرییە، ھەروەسا بۆ ڤەگۆھاستنا داڤید ئالابای ل ھێلا بەرەڤانیێ ل یانەیا بایرن میونشن یا ل سەر ھێلێ.
