سهرۆكێ حكومهتا ههرێما كوردستانێ، ئهڤرۆ چوارشهمبى پهیامهكا پیرۆزباهیێ ب ههلكهفتا جهژنا رهمهزانا پیرۆز بهلاڤكر و پیرۆزباهى ل ههموو بوسرمانێن كوردستانێ و ئیراقێ و جیهانێ كر.
مهسروور بارزانى د پهیامهكێ دا راگههاند، ب ههلكهفتا جهژنا رهمهزانا پیرۆز، گهرمترین پیرۆزباهییان ل سهرجهم بوسرمانێن كوردستانێ و ئیراقێ و جیهانێ دكهت، ب تایبهت پێشمهرگێن قارهمان و هێزێن ئاساییشا ناڤخوهیى و مالباتێن سهربلندێن شههیدان، هیڤى ژى ژ خودایێ دلۆڤان خواستن رۆژیێن ههموو لایهكى قهبوول كربن و ئهڤ جهژنه ببیته ئهگهرێ داوى هاتنا نهخۆشیان و پالدهرهك بیت بۆ ئاشتیێ و تهبایێ د ناڤبهرا پێكهاتێن جودا یێن ههرێما كوردستانێ دا.
سهرۆكێ حكومهتێ ئهڤ ههلكهفته ب دهرفهت زانى كو جارهكا دى داخواز ژ خهلكى بكهت، مهترسییا كۆرۆنایێ ب جدى وهربگرن و پێگیریێ ب رێكارێن خوهپاراستنێ بكهن.
