مەسرور بارزانی، سەرۆكێ حكومەتا هەرێما كوردستانێ پێشوازی ل شاندەكێ سەربازییێ فیدرال ب سەرۆكایەتییا عەبدولئەمیر یارەللا سوپاسالارێ لەشكەرێ عیراقێ كر.
سوپاسالارێ عیراقێ د كۆمبوونێدا بۆ مەسرور بارزانی ئاشكراكر، ئەو ل سەر ڕاسپاردەیا سەرۆكوەزیرێن فیدرال هاتییە داكو دووڤچوونا پاراستنا ئاسایش و سەقامگێرییا ب تایبەت ب نەهێلان و ب دووماهی ئینان ب گەفێن سەر كۆمپانییێن پەترۆلێ بكەت.
مەسرور بارزانی، سوپاسی و پێزانین بۆ دووڤچوونا سەرۆكوەزیرێن فیدرال و پشتراستیدان بۆ پاراستنا ئاسایش و ئارامییا هەرێما كورستانێ دەربرین، هەموو پشتەڤانییا خۆ دڤی بیاڤیدا نیشاندا و دووپاتی ل گرنگییا ب هێزتركرنا هەماهەنگی و هاریكارییا دناڤبەرا پێشمەرگەیی و لەشكەرێ عیراقێدا بۆ ڕوبرووبوونا گەف و تەحەدایێن ئەمنی و سەربازی كر.
