به‌رپر‌سه‌كێ مه‌زنێ دارایى د حكومه‌تا هه‌رێما كوردستانێ دا راگه‌هاند، پشتى جه‌ژنا ره‌مه‌زنا پیرۆز پرۆژه‌قانوونا بودجا هه‌رێما كوردستانێ دێ بۆ په‌رله‌مانى هێته ره‌وانه‌كرن.
رێباز حه‌ملان، هاریكارێ سه‌رۆكێ حكومه‌تا هه‌رێما كوردستانێ بۆ كاروبارێن جڤاتا بلندا وه‌به‌رهێنانێ د هه‌ژمارا خوه‌یا تایبه‌ت دا ل تۆرا فه‌یسبووكى راگه‌هاند، پشتى جه‌ژنا ره‌مه‌زانا پیرۆز پرۆژه‌قانوونا بودجا هه‌رێما كوردستانێ دێ ره‌وانه‌ى په‌رله‌مانى كه‌ن.
حه‌ملان ئاشكرا ژى كر، د گه‌ل هاتنا مافێن دارایى یێ هه‌رێما كوردستانێ ژ بودجا گشتییا ئیراقێ هیڤیى هه‌نه ره‌وشه‌كا باشتر دروست بیت.
ل گۆره‌ى گۆتنا رێباز حه‌ملانى، بودجا 2021ێ یا هه‌رێما كوردستانێ دێ پتر ژ رێك و پران و كه‌رتێ په‌روه‌ردێ و فێركرنێ و وه‌به‌رهێنانێ و رێكخستنا باجێ و خالێن سنۆرى و گومركان بیت.
هاریكارێ سه‌رۆكێ حكومه‌تا هه‌رێما كوردستانێ بۆ كاروبارێن جڤاتا بلندا وه‌به‌رهێنانێ گۆت ژى: د بودجه‌ى دا دێ گرنگى ب مووچه‌ى هێته دان.
