رۆژا پاڕێزگەهبوونا دهۆکێ دێ ب شێوه‌یه‌كێ جودا هێتە ساخکرن

رێڤەبەریا گشتی یا رەوشەنبیری و هونەری ل پارێزگەها دهۆکێ کۆمبوونەک ل دۆر ساخکرنا رۆژا پارێزگەهبوونا دهۆکێ كر.

حەسەن فەتاح، پەیڤدارێ رێڤەبەریا گشتی یا رەوشەنبیری و هونەری ل دهۆکێ بۆ خانی نیوز راگه‌هاند، کۆمبوونا دگەل رێڤەبەرێ گشتی گەهشتنە رێکەفتنێ کو ئەڤسالە رۆژا پاڕێزگەهبوونا دهۆکێ دێ وەکی رێورەسمەکێ رێزلێنانێ هێتە سازکرن و تێدا دێ رێز ل چەندین کەسایەتیێن پاڕێزگەها دهۆکێ هێتە گرتن.

حەسەن فەتاح گۆت ژی، ئەڤ مەراسیمە دێ ل پارکا پانۆراما ئازادی هێنە كرن و ژبلی رێزلێنانێ، دێ کونسێرتێن هونەری هێنە سازكرن و هندەک هونەرمەند دێ ئامادەبن بۆ ساخکرنا ڤێ رۆژێ.

رێورەسمێن ساخکرنا ڕۆژا پاڕێزگەهبوونا دهۆکێ ل 27 مەها گۆلانێ دهێنە گێران، ئەڤ سالە 52 سالیا ل سه‌ر پارێزگەهبوونا دهۆکێ ده‌ربازبوون.

خانی نیوز، سەعد عاسف