ڤێ حه‌فتییێ دێ پێشانگه‌هه‌كا ناڤده‌وله‌تى ل هه‌ولێری هێته‌ ڤه‌كرن

پشتى ساله‌ك و سێ مه‌هان ژ راگرتنا چالاکیێن پێشانگەها ناڤدەولەتی یا هەولێرێ ژ ئه‌گه‌رێ به‌لاڤبوونا ڤایرۆسێ کۆرۆنایێ، بریارە ل ڤێ حەفتیێ پێشانگەها ناڤدەولەتی ل هەولێرێ بهێته‌ ڤه‌كرن، كو یا تایبەتە ب ئاڤەدانکرنێ و دێ کۆمپانیێن هەشت وه‌لاتان پشكداریێ تێدا كه‌ن.  

سۆران قادر، رێڤەبەرێ گشتی یێ پێشانگەها ناڤدەولەتی یا هەولێرێ راگەهاند، بریارە ل رۆژا چارشەمبى، 26 ڤێ مه‌هێ پێشانگەها ئێكی یا ناڤدەولەتی یا ئه‌ڤساله‌ ب پشكدارییا 82 کۆمپانیان و 8 وه‌لاتان بهێته‌ ڤه‌كرن.

ئه‌و پێشانگەهه‌ یا تایبەتە ب ئاڤەدانکرنێ، کۆمپانیێن هەر ئێك ژ وه‌لاتێن ئیتالیا، هۆلەندا، ئیران، تورکیا، چین، مسر، ئیمارات و ئێراق تێدا پشكدارن.