ئاژانسا تایبەت ب پێشکێشکرنا هاریكاریێن مرۆڤی بۆ زارۆیان یا سەر ب نەته‌وێن ئێكگرتیڤه، یونسێف دبێژیت، 4 ملیۆن و 100 هزار کەسان ل ئێراقێ پێدڤى ب هاریکاریێن مرۆڤى هه‌یە.
نڤێسینگه‌ها یونسێڤ ل ئێراقێ د راپۆرته‌كێدا ده‌ربارەی رەوشا مرۆڤی ل ئێراقێ دیار كر، 28٪ ئەوێن پێدڤى ب هاریکاریێن مرۆڤى هه‌ین ژنن، 44٪ ژ وان زارۆكن و 15٪ ژ وان خودان پێدڤیێن تایبەتن.
هه‌روه‌سا گۆتییه ژى: ل چارێكا ئێكێ یا ئەڤ ساله دا ل ئێراقێ 2 هزار و 600 زارۆیان پێدڤى ب هاریكاریێن مرۆڤى هه‌یه و گۆت ژى، هێشتا ملیۆنه‌ک و 349 هزار و 400 ئاوارە ل ئێراقێ هەنه.
یۆنسێڤێ دیار كرییه ژى: ره‌وشا مرۆڤى ئه‌ڤساله خراپتربوویە، ب جۆره‌كێ ئه‌وێن پێدڤى ب هاریکاریێن ب له‌ز هه‌یى و ژمارەیا وان ژ ملیۆنه‌ک و 800 هزار کەسن، ل سالا 2020 بۆ 2 ملیۆن و 400 هزار کەسان د ئه‌ڤساله‌دا بلندبوویه.
