بەشیر حەداد، د لێدوانه‌کا رۆژنامه‌ڤانى دا راگەهاند، “كو هه‌تا نوكه چ داخوازیێن فەرمی ژ پەرلەمانێ ئیراقێ نە هاتینه کرن بۆ هەموارکرنا یاسایا هەڵبژارتنان، سەرەڕایی چەندین لێدوانێن میدیایی هەنده‌ك کەس و لایەن بۆ ئه‌ڤێ خوازیێ”، بەڵێ جەخت کرییه “كو ئەگەر حکومەت یان سەرۆکایەتییا پەرلەمانی ب ڕێكا پڕۆژەیاساییا هەموارکرنا داخوازا ئەڤێ بکەن، ئانكو 10 پەرلەمانتار یان لیژنەیەکا تایبەتمەند ل دوویڤ مادەی 60ژ دەستوری داخوازا ئه‌ڤێ چه‌ندێ بکەن، ل وى ده‌مى پەرلەمان دێ دەست ب ڕێکاران که‌ت بۆ ئەوێ مەبەستێ.”
جێگرێ سه‌رۆكی جڤاتا نوونه‌رێن ئێراقێ رووهن كرییه ژى “كو پەرلەمانێ ئیراقێ ئەرک و پابەندبوونا خۆه جێبەجێکرییه بۆ ئەنجامدانا هەڵبژارتنێن پێشوەخت پشتى كو قانوونا کۆمسیۆنا بلندا سەربەخۆییا هەڵبژارتنان ده‌ربازكه‌ت، هەروەسا کێشەییا دادگه‌ها فیدڕاڵی چارەسەرکر ب هەموارکردنا یاسایێ.
د. بەشیر حەداد دبێژیت، “دیاریکرنا ده‌مى یان پاشخستنا هەلبژارتنان کاری پەرلەمانى نینە، بەلکو د دەستهەلاتا حکومەتێ دایە ب هه‌ماهه‌نگى دگەل کۆمیسیۆنا هەلبژارتنان، د نوكه دا بوچوونا زال و گشتگیریا حکومەت و نەتەوەێن ئێكگرتى ئەوه کو ئامادەکاریێن بەردەوام هه‌نه بۆ ئەنجامدانا هەڵبژارتنان ل 10ێ چرییا ئەڤ ساڵدا و گریمانه‌ییا پاشخستنێ د ئاسۆده‌یدا نینە.”.
جێگرێ سەرۆکێ جڤاتا نوونه‌رێن ئیراقێ گۆت ژى، زۆرینه‌یا لایەنێن سیاسی دگەل ئەنجامدانا هەڵبژارتنانه د ده‌مێ خوه دا، چ لایەنه‌کى داخوازا پاشخستنێ نەکرییه و هەموو لایەک د هه‌ڤڕانه ل سەر هندێ کو دروستکرنا ژینگەهه‌كا گونجایى بۆ ئاسایشا هەڵبژارتنان و شەفافیه‌ت و پشكدارییا به‌رفره‌ها کارێ هەموو لایەنان و پێدڤییه حکومەت پابەند بیت ب دابینکرنا ئەوێ ژینگەهێ بۆ مسۆگەرکرنا هەڵبژارتنێن سەرکەفتى.”.
گۆت ژى، “لژنەیێن پەرلەمانی چەندین پڕۆژە قانوون ل بەردەستدانە کو پەرلەمانى لبه‌ره به‌رى داوى هاتنا خولا نوكه ته‌مام بكه‌ت و دەنگی ل سەر بده‌ت وەک پڕۆژە قانوونا (ڤه‌گه‌راندنا پارێ هاتییه دزین، ئازادییا ڕادەربڕینێ، کۆمبوون و خوه‌پیشاندانێن هێمنانه، تاوانێن ئەلکترۆنی، چارەسەرکرنا خرابا ب کارئینانا خانووبەران، خزمەتا فیدرالی، ئاسایشا جڤاكى و خانەنشینی بۆ کرێکاران، دادگه‌ها تاوانێن ئیراقێ)، چەند یاسایێن دى تر کو دێ ده‌رێخن.
