ل نەخۆشخانا زارۆکبوونێ ل دهۆکێ، ئه‌ڤرۆ ئێكشه‌مبى، ب ئامادەبوونا رێڤەبەرێ ساخلەمییا پارێزگەها دهۆکێ، د. ئەفراسیاب موسا و جێگرێ پارێزگارێ دهۆکێ، شەمعون شلیمون و نوونەرێن رێكخراوا ئایسپۆ یا ئیتالی بەرێ بناغەی بۆ پشکا نووی یا نەخۆشخانا شیرەتکاریا دەرڤە ل نەخۆشخانا زارۆکبوونێ هاتە دانان.
شەمعون شلیمون،جێگرێ پارێزگارێ دهۆكێ د کۆنگرەیێ رۆژنامەڤانی دا دیار كر: ل ژێر چاڤدێرییا د. عه‌لی ته‌ته‌ر پارێزگارێ دهۆكێ به‌رێ بنیاتێ بۆ ئاڤاكرنا پرۆژی پشكا نوو یا شیره‌تكاریا ده‌رڤه‌ی ل نه‌خۆشخانا ژن و زارۆكبوونێ هاته دانان.
د. ئەفراسیاب موسا، رێڤه‌به‌رێ گشتی یێ ساخله‌میا پارێزگه‌ها دهۆكێ ژی دیار كر: د بەردەوامیا پرۆژێ پشته‌ڤانی بۆ کەرتێ ساخله‌میێ ل پارێزگه‌ها دهۆكێ ئه‌ڤرۆ بەرێ بناغەی بۆ پشکا نووی یا نەخۆشخانا شیرەتکارییا دەرڤە هاتە دانان ب پشته‌ڤانیكرن ژ لایێ وه‌لاتێ ئیتالیا ڤه ب رێیا ئاژانسا ئیتالی بۆ گه‌شه‌پێدان و هه‌ڤكاریێ.
ناڤبری گۆت ژی، پرۆژێ ئاڤاكرنا پشكا نوو یا شیره‌تكارییا ده‌رڤه‌ی ل نه‌خۆشخانا ژن و زارۆبوونێ پشكه‌كه ژ ستراتیژیا هه‌ڤپشك یا رێڤه‌به‌ریا گشتی یا ساخله‌مییا پارێزگه‌ها دهۆكێ و رێكخراوا ئایسپۆ بۆ ب هێزكرنا خزمه‌تگوزاریێن ساخله‌مییا دایكێ و زارۆیى ل دهۆكێ ب پشته‌ڤانیا وه‌لاتێ ئیتالیا كو ل نه‌خۆشخانا ژن و زارۆبوونێ دێ خزمه‌تا نه‌خۆشان بێ به‌رامبه‌ر هێته كرن.
كۆژمێ ڤى پرۆژه‌ى ژ كه‌ره‌سته‌یێن نۆشدارى و ئاڤاكرنێ 343 هزار و 942 یۆرۆنه.
