چین رێكێ دده‌ته‌ هه‌ر مالباته‌كێ سێ زارۆ هه‌بن

حکومەتا چینێ ب فەرمی رێكێ دده‌تە هەموو هه‌ڤژین و خێزانان سێ زارۆ هه‌بن، ب ڤێ چه‌ندێ داوى ب بریارا چەند سالێن به‌رى نهۆ ئینا، كو رێك ددا هەر خێزانه‌كێ ب تنێ دو زارۆ هه‌بن.

ئاژانسا شینخوای یا فەرمی یا چینێ راگەهاندییه‌، بۆ به‌رسڤدانا ب له‌ز یا پیربوونا جڤاكێ وان، ژ ئه‌ڤرۆ وێڤه‌ هه‌ڤژین دشێن ببنه‌ خودان سێ زارۆ، راگەهاند ژى، ئه‌ڤ بریارە پشتى کۆمبوونا سەرکردایەتییا دەستبژێرا ناڤا مەکتەبا سیاسی یا پارتییا کۆمۆنیستا چینى هاتییه‌ دان، كو ب سەرۆکاتییا شی ژینگ پینگ، سەرۆکێ چینێ بوویه‌.

ئامارێن فەرمی یێن نڤێسینگەها سەرژمێرییا چینێ دیار دكه‌ن، كو رێژا سالانه‌ یا ژ دایکبوونێ داکه‌فتییه‌ و ل سالا 2020 ب تنێ 12 ملیۆن زارۆك ژ دایك بووینه‌.

ئێک ژ کێشێن دیتر یێن چینێ نەبوونا بالانسێ یە دناڤبه‌را نێر و مێ یێن ژ دایك بوویى یه‌.