ویلایه‌تێن ئێكگرتى یێن ئه‌مریكا رێكارێن ئێمناهیێ بۆ پاراستنا بالیۆزخانه‌یا خوه ل ئیراقێ توند كرینه بۆ وێ یه‌كی دا به‌رسڤا هه‌ر هێرشه‌كا گرۆپێن چه‌كدار یێن سه‌ر ب ئیرانێ ڤه بده‌ت.
به‌رپرسه‌كێ مه‌زنێ وه‌زاره‌تا ده‌رڤه یا ئه‌مریكا راگه‌هاند، وه‌كو به‌رهه‌ڤیێن پیشوه‌خت بۆ به‌رسڤدانا هه‌ر هێرشه‌كا مۆشه‌كى ژ ئالیێ میلیشیایێن سه‌ر ب ئیرانێ ڤه، واشنتۆنێ رێكارێن ئێمناهیێ بۆ پاراستنا بالیۆزخانه‌یا خوه ل به‌غدا توند كرینه، داخواز ژى ماتیۆ تۆله‌ر، بالیۆزێ خوه و تیمێ دبلۆماسى ل به‌غدا كرییه، بالیۆزخانه‌یا خوه ب جهـ بهێلن، پشكه‌كا دبلۆماتكارێن وان ژى گه‌هشتینه هه‌ولێرێ.
پشتى كۆشتنا قاسم سوله‌یمانى و ئه‌بو مه‌هدى موهه‌ندس، هێرشێن چه‌كدار بۆ سه‌ر بالیۆزخانه‌یا ئه‌مریكا ل ئیراقێ زێده بووینه، چه‌ندین رۆژێن بوورى ژى گرۆپه‌كێ چه‌كدار گه‌فێن هێرشان كرینه كو دێ د سالڤه‌گه‌را كوشتنا سوله‌یمانى دا تۆلا خوه ل ئه‌مریكا ڤه‌كه‌ن.
