سه‌رۆكێ جڤاتا پارێزگه‌ها هه‌ولێرێ دیاركر، ل حه‌فتیا بهێت دێ چل رۆژیا وه‌غه‌ركرنا پارێزگارێ به‌رێ یێ هه‌ولێرێ دێ ته‌مام بیت و دێ ده‌ست ب رێكارێن دانانا پارێزگارێ نوو كه‌ین كو پشكا پارتی دیموكراتى كوردستانه.
عه‌لى ره‌شید، سه‌روكێ جڤاتا پارێزگه‌ها هه‌ولێرێ راگه‌هاند، جڤاتا وه‌زیران و سه‌روكاتییا هه‌رێمێ و پارتی دێ بریارێ لسه‌ر به‌ربژاركرنا كه‌سه‌كى ده‌ن بو وه‌رگرتنا پۆستێ پارێزگارێ هه‌ولێرێ، ژبه‌ركو ئه‌و پوست پشكا پارتی یه، هه‌ر ده‌مێ بریار بگه‌هیته ده‌ستێ وان دێ ده‌ست ب رێكاران كه‌ن بۆ دیاركرنا پارێزگارێ نوو بو هه‌ولێرێ، هه‌ر به‌ربژاره‌كێ فراكسیونا پارتی پشتگیریێ لێ نه‌كه‌ت سه‌رناكه‌ڤیت، له‌وما چاڤه‌رێی به‌ربژارێ ئه‌وان دكه‌ن.
ناڤبرى گۆت ژى: ڤالاتییا ئیدارى ل هه‌ولێرێ نینه و جێگرێ پارێزگارى هێمن قادر ب وه‌كاله‌ت پۆستێ پارێزگارى برێڤه دبه‌ت و هه‌موو ده‌ستهه‌لاته‌ك هه‌یه و چ گرفتێن ئیدارى و قانوونى نینن.
