ژ ئه‌گه‌رێ توپبارانا تورکیا ئاگر به‌ربوویه‌ ئاقارێ چەندین گوندێن ناحیا کانى ماسێ

ژ ئه‌گه‌رێ تۆپبارانا سوپایێ تورکی ئاگره‌كێ مه‌زن به‌ربوویه‌ ئاقارێ چه‌ندین گوندێن وێ ده‌ڤه‌رێ و هه‌تا نوكه‌ ئه‌و ئاگره‌ نه‌هاتییه‌ كونترۆل كرن.

سەربەست سەبرى ئاكره‌یى، رێڤەبەرێ ناحیا کانى ماسێ بۆ خانى نیوز دیار كر، ژ ئه‌گه‌رێ تۆپبارانکرن و بۆردومانا سوپایێ تورکیێ ئه‌ڤه‌ ژ دوهى وه‌ره‌ ئاگره‌كێ مه‌زن به‌ربوویه‌ ئاقارێ گوندێن تشیشێ و بێقولکێ، دەرگەلا سه‌یدا و قومریێ، هه‌تا نوكه‌ وى ئاگرى رووبه‌ره‌كێ به‌رفره‌هـ یێ دارستانێ و زه‌ڤى و ره‌زێن وه‌لاتیێن وێ ده‌ڤه‌رێ سۆتینه‌ و دیسان ئه‌و ئاگره‌ ل ژێر كونترۆلكرنا خه‌لكێ وان گوندان ده‌ركه‌فتییه‌.

ناڤهاتى گۆت ژى: هه‌تا نوكه‌ زیانێن وى ئاگرى ب دروستى نه‌هاتینه ‌زانین، لێ ئاگر یێ به‌رده‌وامه‌ و نوكه‌ دوكێله‌كا مه‌زن ژ وى ئاگرى دچیت و ئه‌سمانێ وێ ده‌ڤه‌رێ كرییه‌ دۆكێل.