ناڤه‌نده‌كا هه‌ماهه‌نگیێ دێ دناڤبه‌را پێشمه‌رگه‌ی و هێزێن ئیراقێ دا هێته‌ دروست كرن

 سەرۆك مەسعود بارزانی ئەڤرۆ چارشه‌مبى١٦ى خزیرانێ ٢٠٢١ ل سەلاحەددین پێشوازی ل بێڵ ریچارد جێگرێ فەرماندەیێ گشتیێ هێزێن هاڤپەیمانان ل ئیراقێ و سووریا و شاندێ دگه‌لدا كر.

د دیدارەكێدا جێگرێ فەرماندەیێ گشتیێ هێزێن هاڤپەیمانان ل ئیراقێ و سووریا سەرەخۆشیێ ل سەرۆك بارزانی و گەلی كوردستان كر، ب ئه‌گه‌رێ شەهیدبوونا ئەوان پێشمەرگه‌یان ژ لایەنێ پەكەكێ ڤه‌ ل چیایێ مەتین شەهیدبووین و هیڤیا چاره‌سربوونێ بۆ برینداران خواست.

هەر د وێ كۆمبوونێدا جێگرێ فەرماندەیێ گشتیێ هێزێن هاڤپەیمانان ل ئیراقێ و سووریا ره‌وشا مەیدانیی بزاڤا هاڤپەیمانان بۆبه‌رهنگاربوونا تیرۆریستێن داعشێ ل ئیراقێ و سووریێ بۆ سەرۆك بارزانی دیاركر.

ل پشكه‌كا دییا ئەوێ كۆمبوونێدا دروستكرنا ناڤەندا هەماهەنگیێ دناڤبه‌را هێزێن پێشمەرگەێ كوردستانێ و هێزێن ئیراقێ بۆ پاراستنا ده‌ڤه‌ران ل هەڕەشەێن تیرۆریستان و هەروەسا پێنگاڤ بۆ پێكئینانا هێزێن هه‌ڤپشك هەردوولا بۆ هەمان مەره‌م ب گرنگ و بەرهەمدار وەسف كر.

بزاڤ بۆ رێكخستنا هێزێن پێشمەرگەى و ئەنجامدانا چاكسازیێ ل وەزارەتا پێشمەرگەى تەوەره‌كێ دیێ ئەوێ دیدارێ بوو، و جێگرێ فەرماندەیێ گشتیێ هێزێن هه‌ڤپەیمانان ل ئیراقێ و سووریێ ئەو چه‌نده‌ دیاركر كو رێكخستنا پێشمەرگەى ژ لایێ وه‌ڵاتێن هه‌ڤپەیمانى ڤه‌ گرنگی و بهایه‌كێ تایبەت هەیە.