ساخله‌مییا هه‌ولێرێ روونكرنه‌ك سه‌باره‌ت گیان ژ ده‌ست دانا كچا 19 سالى به‌لاڤكر

رێڤه‌به‌رییا گشتییا ساخله‌مییا هه‌ولێرێ روونكرنه‌ك ده‌رباره‌یێ نووچه‌یێ گیان ژ ده‌ستدانا كچه‌كا 19 سالى ل نه‌خۆشخانه‌كا تایبه‌ت یا باژێرێ هه‌ولێرێ به‌لاڤكر.

د وێ روونكرنێدا هاتییه ده‌رباره‌یێ نووچه‌یێ گیان ژ ده‌ستدانا كچه‌كا 19 سالى ل نه‌خۆشخانه‌كا تایبه‌ت یا باژێرێ هه‌ولێرێ، كو ئه‌گه‌رێ گیان ژ ده‌ست دانا وێ ڤه‌دگه‌ریته‌ ڤه‌ بۆ بكارئینانا چه‌ندین ده‌رمانان ب رێكا چه‌ند سایته‌كێن ئۆنلاین كو ئه‌و ده‌رمانه‌ كرینه‌.

ساخله‌مییا هه‌ولێرێ ئاماژه‌ دایه‌، كو تیمێن پشكنینێ و پێداچوونا رێڤه‌به‌ریێ هه‌ر ژ ده‌ستپێكا به‌لاڤبوونا ئه‌ڤى نووچه‌یى دووڤچوون و ڤه‌كولین هاتینه‌ كرن، و بزاڤێن وان د به‌رده‌وامن بۆ ده‌رێخستنا ئه‌گه‌رێ زانستیێ گیان ژ ده‌ستدانێ، و هه‌ر ئه‌گه‌رێ سه‌رپێچیێ د كارى دا هاتبیته‌ كرن د روو ب رووى یاسایێ بن.

هێلن ئەحمد خۆشناو، قوتابییا قۆناغا دووێ یا پەیمانگەها رۆیالا نه‌حكوومی بوو ل هەولێر و ئەڤساڵه‌ دەرچوو بۆ قۆناغا سێ، تەمەنی وێ 19 ساڵ بوون، هێلینێ پشتى كو ب ڕێكا ئۆنڵاین تشتا داخواز دكه‌ت و پشتى ب كارئینانا ئه‌وان حه‌بكێن قه‌له‌و بوونێ گیانێ خوه‌ ژ ده‌ست د ده‌ت.