10 تیرورستێن داعشێ هاتنه‌ ده‌سته‌سه‌ركرن

شانه‌یا راگه‌هاندنا ئه‌منى یا سه‌ر ب وه‌زاره‌تا ناڤخوه‌یا ئێراقێ ئاشكرا كر، كو ل كه‌ركوكێ 10 تیرورستێن داعش هاتنه‌ ده‌سته‌سه‌ركرن.

شانه‌یا راگه‌هاندنا ئه‌منى ل ئێراقێ، ئه‌ڤرۆ شه‌مبێ 19-6-2021 راگه‌هاندنه‌ك به‌لاڤكریه، كو‌ سه‌باره‌ت ده‌سته‌سه‌ركرنا وان تیرۆرستان، ل سه‌ر زانیاریێن هه‌والگیریێ وهێزێن ئاژانسا هه‌وا‌لگیریێ دڤه‌كولینا فیدرالیا سه‌ر ب وه‌زاره‌تا ناڤخوه‌یا ئێراقێ ڤه‌ ل كه‌ركوكێ 10 تیرۆرست ل دووڤ مادێ 4 ێ تیرورێ ل قانوونا سزادانا ئێراقێ هاتنه‌ ده‌سته‌سه‌ركرن.

دیاركر ژى، ده‌سته‌سه‌ركرنا وان وه‌كى شانه‌كا نڤستى یا داعش كار بۆ وێ رێكخراوێ كرییه‌ و كارێ وان بۆ دابینكرنا كه‌رستێن لۆجستى بۆ چه‌كدارێن داعش و و چه‌ند كه‌سێن دى كو چه‌كدارێن وێ رێكخراوا تیرورستى ل كه‌ركوكێ كاركرینه‌.