سەرۆک مەسعود بارزانی، ئه‌ڤرۆ دوشەمبى ٢١ خزیرانا ٢٠٢١ ل سەلاحەدین پێشوازی ل ماتیۆ تۆلەر بالیۆزێ ئەمریکا ل ئیراقێ و شاندێ دگه‌ل دا كر.
د دیداره‌كێدا ره‌وشا سیاسی و هەلبژارتنێن داهاتێن ئێراقێ و مەترسییا به‌رامبه‌رى پرۆسا سیاسییا ئیراقێ هاتنه گۆتوبێژ كرن.
هەروەسا بالیۆزێ ئەمریکا پرسە و سەرەخۆشییا خوه گه‌هاندنه سەرۆک بارزانی، ژ ئه‌گه‌رێ شەهیدبوونا ئەوان پێشمەرگه‌یان یێن کو د ده‌مێ بوریدا ب دەستێ چەکدارێن پەکەکێ هاتینه شەهید کرن و دووپاتى ل هندێ كر، كو سەقامگیرییا هەرێما کوردستانێ و ئیراقێ و بها و گرنگییا تایبەت هەیە و هەرێما کوردستانێ ژى نموونەکە بۆ سەقامگیری و ڤه‌ژاندنا وێ ل به‌رچاڤ ده‌ڤه‌رێن دىتر یێن ئیراقێ.
هه‌ر د وێ دیدارێدا پێنگاڤ و یه‌كخستن و رێكخستنا پێشمه‌رگه‌ى و چاكسازى ل وه‌زاره‌تا پێشمه‌رگه‌ى، هه‌روه‌سا دانانا ناڤه‌ندا هه‌ماهه‌نگیێ دناڤبه‌را پێشمه‌رگه‌یێ كوردستانێ و هێزێن ئیراقێ بۆ به‌رهنگاربوونا هێرشێن تیرۆرێ بلند نرخاندن.
