وەزیرێ پلاندانانێ: هه‌رێما كوردستانێ پابه‌ندبوونا خوه‌ د یاسایا بودجه‌یا ئیراقێ دا جێبه‌جێكرییه‌

دڤێت حكومه‌تا ئێراقێ كۆژمێ 11.4 ترلیون دیناران بۆ هه‌رێما كوردستانێ خه‌رج بكه‌ت

وه‌زیرێ پلاندانانا حكومه‌تا هه‌رێما كوردستانێ، دووپات دكه‌ته‌ڤه‌، مافێ هەرێما کوردستانێ 200 ملیار دینار ب تنێ نینە و زۆر ژ وێ زێده‌تره‌.

د لێدوانه‌كاڕۆژنامەڤانیدا د. دارا رەشید، وەزیرێ پلاندانانا هەرێما كوردستانێ، بۆ ڕۆژنامەڤانان  ڕاگەهاند: حکومەتا ئیراقێ ل یاسایا بودجەیدا ژمارەیا فەرمانبەرێن هەرێما کوردستانێ ب ٦٠٠ هزار مووچەخۆر دیاركرینه‌، بەلێ د نها دا فەرمانبەرێن هه‌رێما كوردستانێ٧٥٠ هزار مووچەخۆر و ب تەمامى ئەوان یێن موچە ژى  وەر دگرن ب خانەنشین و چاڤدێرییا کۆمەڵایەتیی ئێک ملیۆن و ٢٥٠ هزار مووچەخۆرن.

دیاركر ژى : ئه‌م وەک هەرێما کوردستانێ چاڤه‌رێى هاتنا پارەینه‌ ژ بەغدا، چونکى هەرێما کوردستانێ پابەندبوونا خوه‌ ب یاسایا بودجەیا ئیراقێ جێبەجێ کرییه‌ و دڤێت حکومەتا ئیراقێ ژى ئەوى كوژمێ پارەی کو بۆ هەرێمێ هاتینه‌ دیاركرن و كوژمێ ١١,٤ تریلۆن دینارە بۆ هەرێما کوردستانێ خەرج بکه‌ت.

ڕوونكرییه‌ ژى کرییه‌، کو هاتنا ٢٠٠ ملیار دینار ئەو بەندەیێ د بودجەیدا کو حکومەتا ئیراقێ دێ ب قیست پشکا هەرێما كوردستانێ هنێرێت.

ده‌رباره‌یى دابەشکرنا مووچەىێ فەرمانبەرێن هەرێما كوردستانێ ب لێبڕینڤه‌، وەزیرێ پلاندانانێ گوتى: چ گۆرانکارییەک ل داهاتى و بلندبوونا داهاتێ هەرێما كوردستانێ ڕوو نەدایه‌ هه‌تاکو وەزارەتا دارایی سیستمێ لێبڕینا مووچەى هەڵبوەشینیت، ئەگەر ئەو ٢٠٠ ملیار دینارێن بەغدا ژى  بگه‌هنه‌ کوردستانێ خەرجیێن هەریما كوردستانێ زێده‌ترن ژ وى كوژمه‌یى، ژبه‌ر هندێ دشیاندا نینه‌ ئێکسەر دەستکارییا  د پێدانا مووچەیدا بهێته‌ كرن.