هوشدارى ده‌رباره‌ى ره‌وشا دارایا ئێراقێ دهێته‌ دان

ئه‌ندامه‌كێ لژنا دارایی ل جڤاتا نوونه‌رێن ئێراقێ هوشداریێ دده‌ت و دبێژیت، ره‌وشا دارایا وه‌لاتى نێزیكى هه‌رفینێ بوویه‌.

عەبدولهادی عیساوی، ئەندامێ لژنا دارایی ل جڤاتا نوونه‌رێن ئێراقێ د لێدوانه‌كا رۆژنامه‌ڤانى دا راگه‌هاند، ره‌وشا دارایى یا نێزیكى هه‌رفینێ دبیت و ئه‌گه‌رێ سه‌ره‌كى ژى نزمبوونا بهایێ دینارییه‌ به‌رامبه‌ر دۆلارى، هه‌تا نوكه‌ چ چاره‌سه‌رى ژى نه‌هاتینه‌ دیتن. 

دیار كر ژى، ئێراق ب ده‌ستێ ئاریشا مه‌زنا سیاسه‌تا دارایى و نه‌ختان دنالینیت و پێدڤیی ب چاره‌سه‌ریه‌كا ب له‌ز ومه‌زن هه‌یه‌.

گۆت ژى، ئێراقێ پێدڤى ب سیاسه‌ته‌كا گشتگیر هه‌یه‌ ب دامه‌زراندنا ئابووره‌كى، كود ده‌مه‌كى دا ئه‌گه‌رێ ئه‌دایا خرابیا دارایا بانكا ناڤه‌ندى و بهایێ دراڤێ نیشتیمانى د هه‌رفینێ دایه‌.