سه‌رۆكێ هه‌رێما كوردستانێ د دیداره‌كێدا ل گه‌ڵ باڵیۆزێ فلیپینێ ل عێراقێ راگه‌هاند، به‌رهنگاربوونا تیرۆرێ و هزرێن توندڕه‌و و توندوتیژی ب تنێ ب رێكا سه‌ربازییڤه ناگریت، به‌ڵكو دڤێت وه‌ڵات ژ ڕویێ په‌روه‌رده‌یی و كلتوریی ڤه ژى به‌رهنگار ببیت.
ل دووڤ راگه‌هاندنه‌كا سه‌رۆكایه‌تییا هه‌رێمێ، ئه‌ڤڕۆ دوشه‌مبى نێچیرڤان بارزانی، سه‌رۆكێ هه‌رێما كوردستانێ، پێشوازی ل جینۆرۆسۆ كالۆنج باڵیۆزی فلیپینێ ل عێراق كر، د دیدارێدا په‌یوه‌ندیێن عێراق و هه‌رێما كوردستانێ دگه‌ڵ فلیپینێ، و ره‌وشا ڕه‌ڤه‌ند و ده‌ستێن كاری فلیپینی ل هه‌رێما كوردستانێ و هه‌ڵبژارتنێن داهاتووێن عێراقێ، په‌یوه‌ندیێن هه‌ولێر ـ به‌غدا، به‌رهنگاربوونا تیرۆر و توندڕه‌ویێ، پرۆسه‌ییا دانا ڤاكسینى و ڤایرۆسی كۆرۆنایێ ب تایبه‌تی ژ لایێ ئابوریی ڤه هاتنه گۆتوبێژكرن.
