نێچیرڤان بارزانى دگه‌ل چه‌ند ئالیێن سیاسى كۆمبوو

نێچیرڤان بارزانى سه‌رۆكێ هه‌رێما كوردستانێ ئه‌ڤرۆ چارشه‌مبى 30-6-2021 دگه‌ل لایه‌ن و پێكهاتێن توركمان و مه‌سیحیان و چه‌ند پێكهاتێن دى كۆمبوو، پێكهاتان داخواز كرییه‌ ده‌ستوره‌كێ مه‌ده‌نى و دیموكراسى و مۆدرێن بۆ كوردستانێ بهێته‌ نڤێسین.

مونا قه‌هوه‌چى سكرتێرا په‌رله‌مانێ كوردستانێ ، ده‌رباره‌ى كۆمبوونا ئه‌ڤرۆ حیزب و لایه‌نێ توركمان دگه‌ل نێچیرڤان بارزانى سه‌رۆكێ هه‌رێما كوردستانێ به‌حس ل وێ كر، د كۆمبوونێ دا مه‌ جه‌خت كره‌ سه‌ر ده‌ستورێ مه‌ده‌نى و دیموكراسى و مۆدرێن بۆ هه‌رێما كوردستانێ كو تێدا ماف و ئازادیا هه‌موو وه‌لاتیێن كوردستانێ ب پێكهاتێن جۆدا ڤه‌ تێدا یێ پاراستى بیت.