بالیۆزخانا ئه‌مریكا ل سووریا، ل دور كوشتنا وى گه‌نجێ ل ژێر ئه‌شكه‌نجێ ل زیندانه‌كا په‌یه‌دێ ل پارێزگه‌ها حه‌سه‌كێ روژئاڤایێ كوردستانێ، دلته‌نگیا خوه ده‌ربرى و داخازكر ڤه‌كولین ب تێروته‌سه‌لى لسه‌ر بهێنه‌كرن.
ئاماژه ب هندێ ژى كر ئه‌مریكا ژ وێ روودانێ دلگرانه و داخوازكر ب روهنى پێداچوون د وێ كه‌یسی دا بهێته كرن، هه‌ر كه‌سه‌كێ به‌رپرس بیت ل ده‌ستدرێژى و سه‌ره‌ده‌ریا خراپ دگه‌ل ده‌سته‌سه‌ركریا، ب توندترین شێوه بهێته سزادان.
كه‌س و كارێن وى گه‌نجى، ئاسایشا په‌یه‌دێ ب ئه‌شكه‌نجه‌دانا كورێ خوه تاوانبار دكه‌ن و راگه‌هاندینه: جهێ ئه‌شكه‌نجه‌كا زۆر ل له‌شێ وى دیاربوو و خۆین ژ ده‌ڤێ وى هاتبوو، پشتى دوو ده‌مژمێران گیانێ خوه ژده‌ستدایه.
