دادگه‌ها ده‌ستوریا توركیا داخواز كر هه‌ده‌په‌ بچیته‌ به‌ر‌ده‌م دادگه‌هێ

دادگه‌ها ده‌ستووری یا توركیا داخواز ژ پارتا دیموكراتا گه‌لان، هه‌ده‌پێ كر ل هه‌مبه‌ر دادگه‌هێ د ئاماده‌بن دا كو به‌رگریێ ژ خوه‌ بكه‌ن.

دۆسه‌یا داخستنا پارتا دیموكراتا گه‌لان، هه‌ده‌پێ ل دادگه‌ها ده‌ستووری یا توركیا د ڤه‌كۆلینان دایه‌، لێ وه‌كو مافه‌كی بۆ هه‌ده‌پێ دادگه‌ها ده‌ستووری، ب نڤێسنه‌كا فه‌رمی داخواز ژ هه‌ده‌پێ كریه‌ دئاماده‌بن داكو به‌رگریێ ژ مافێن خوه‌ بكه‌ت و به‌رسڤا تۆمه‌تان بده‌ت و پاشان بریارا داویێ یا دادگه‌هێ بهێته‌ دان.

مالپه‌رێ فه‌رمیێ هه‌ده‌پێ راگه‌هاندیه‌؛ ئه‌و دئاماده‌نه‌ ل هه‌مبه‌ر دادگه‌هێ وان هه‌موو تۆمه‌تان ب دره‌و ده‌ربێخن.

ل گۆره‌ى زانیاریێن مالپه‌رێ هه‌ده‌پێ، ژ بلی پارێزه‌ران چه‌ندین رێكخراو و  كۆمه‌لگه‌هێن مه‌ده‌نی و كه‌ساتیێن سیاسی ژی دێ ل هه‌مبه‌ر دادگه‌هێ دئاماده‌بن.