بسپۆره‌كێ فه‌سله‌جا له‌شی راگه‌هاند؛ پێدڤییه د جه‌ژنێ دا خوارنێن ساخله‌م بخۆن و پشتی ده‌مێن خوارنێ، لڤینان بكه‌ن و سه‌ره‌دانێن كه‌س و كاران ژی ب پیان بكه‌ن.
د. دلێر قادر گه‌لالی، بسپۆرێ فه‌سله‌جا له‌شی راگه‌هاندییه؛ ژ ئه‌گه‌رێ بلندبوونا پله‌یێن گه‌رمێ باشتره كو هاتنوچوون و سه‌ره‌دانێن جه‌ژنێ به‌ری سه‌عه‌ت 10 یێ سپێدێ بن و ئێڤاران ژی پشتی سه‌عه‌ت 4 یان 5 بیت داكو گه‌رم مه‌ترسیێ ل سه‌ر له‌شی دروستنه‌كه‌ت و دووربن ژ هشكبوونێ.
د. دلێر خویا كرییه، پێدڤییه وه‌لاتی كێمترین قه‌باره‌یێ چكلێت و شرینییان بخۆن، ژ به‌ركو زێده خوارنا وان ئه‌گه‌ره‌كه ژ بۆ تووشبوون ب زكچوونێ و ئه‌ڤه ژی د بیته ئه‌گه‌رێ هشكبوونێ.
