پەرلەمانێ فرەنسا پرۆژە قانوونه‌كا تایبەت ب کۆرۆنایێ پەسەندکر و تێدا وەرگرتنا ڤاكسینى ب سه‌ر تیمێن ساخله‌میێ و نه‌چارکرنا وه‌لاتیان د نیشاندانا كارتێن ڤاكسینى ل جهێن گشتى دسه‌پینیت.
ل دووڤ قانوونا نوو، هەموو کارمەندنێن ساخله‌میێ دڤێت هه‌تا رۆژا 15ێـ ئەیلوولا ئه‌ڤ ساله ڤاكسینێ کۆرۆنایێ وه‌رگرتبیت و دقۆناغا ئێكێ دا دێ ل سه‌ر كه‌سێن ژیێ وان ژ 18 سالیێ پتر هێته جێبه‌جێكرن.
هەروەسا ئه‌ڤ قانوونه‌وه‌لاتیان نه‌چاردكه‌ت دڤێت ل ده‌مێ چوونا رێستورانت یان د پاس و شەمەندەفەر یان پشكدارى د هه‌لكه‌فتێن گشتى دا كارتا ڤاكسینى هه‌بیت كو هه‌ردوو قورچێن ڤاكسینێ کۆرۆنایێ وەرگرتبن یان پشکنینێن نوو یێن کۆرۆنایێ هاتبنه كرن.
هه‌تا نها پتر ژ 111 هزار کەسان ل فرەنسا ب ئه‌گه‌رێ كۆرۆنایێ گیانێ خوه ژ ده‌ست داینه و رۆژانە پتر ژ 20 هزار كه‌سان تووشى كۆرۆنایێ دبن.
