ل چه‌ند ده‌ڤه‌ره‌كێن هه‌رێما كوردستانێ، رێڤه‌به‌راتیێن ساخله‌میێ داخوازا راگه‌هاندنا قه‌ده‌غه‌یا هاتن و چوونێ و كه‌ره‌نتینێ دكه‌ن، و ئامارێن كۆرۆنایێ رۆژ بۆ رۆژێ زێده‌تر به‌ره‌ڤ زێده‌بوونێ ڤه دچن، بریكارێ وه‌زاره‌تا ساخله‌میێ راگه‌هاندبوو، كو مه داخوازا كه‌ره‌نتینا سه‌رتاسه‌رى كرییه.
ئه‌ڤرۆ هه‌ر ئێك ژ ساخله‌مییا هه‌ولێر و گه‌رمیان داخوازا قه‌ده‌غه‌یا هاتن و چوونا سه‌رتاسه‌رى كرییه.
بریاره سوبه‌هى لژنا بلندا كۆرۆنایێ بۆ گۆتوبێژكرنا پرسا بلندبوونا ئامارێن تووشبوویێن كۆرۆنایێ كۆمببیت.
بلندبوونا ئاماران د ده‌مه‌كیدا هاتییه، كو پشتى بێهنڤه‌دانا جه‌ژنا قوربانى و هاتنا ده‌هان هزاران گه‌شتیاران ژ ده‌ڤه‌رێن ناڤه‌راست و باشۆرێ عێراقێ، كو د رۆژانێن جه‌ژنێ دا سه‌ره‌دانا جهێن گه‌شتیاریێن هه‌رێما كوردستانێ كربوون.
