په‌كه‌كێ 65 كیلۆیێن تی ئێن تی ل سه‌ر رێكا ئامێدی بۆ دێره‌لۆك دانابوون

ژێدەرەکێ تایبەت ژ هێزێن پێشمەرگه‌هێن زێرەڤانیێ بۆ خانی نیوز راگەهاند؛ چه‌كدارێن پارتا كاركه‌رێن كوردستانێ، په‌كه‌كێ تی ئێن تی یه‌ك ل نێزیک خالەکا هێزێن پێشمەرگەی وئاسایشێ دبن جادێ دا دانابوو کو سه‌نگا وێ 65 کیلۆ بوون و ئەڤرۆ سه‌عه‌ت 9 یێ سپێدێ ژ ئالیێ تیمێن ئەندازیارییا لیوا ئێک یا  کۆماندو یا هێزێن زێرەڤانیێ ڤه‌ هاته‌ ژناڤبرن وراکرن.

وی ژێده‌ری دیار ژی كر، تێ ئێن تی ل سه‌ر رێكا سه‌ره‌كییا ئامێدی بۆ دێره‌لۆكێ و د ناڤبه‌را كۆمه‌لگه‌ها كوانێ و گوندێ سه‌رگه‌لێ دا دانابوون، لێ تی ئێن تی ژ ئالیێ تیمێن ئه‌ندازیارییا هێزێن زێره‌ڤانیێ هات راكرن و ژ ناڤبرن.

د ئەڤ سالەدا چەندین جارە تی ئێن تی ژ ئالیێ چەکدارێن پەکەکێ ڤه‌ دهێنە دانان لسەر رێکێن سەرەکی یێن سنورێ قەزا ئامێدیێ .

خانى نیوز: هەیوار ستار