مهلا جیهاد دۆسكی ئهندامێ لژنا وزه و سامانێن سرۆشتی ل پهرلهمانێ كوردستانێ بۆ خانی نیوز دیاركر: مه گهلهك كۆمبوون ل سهر گرانیا بهایێ پانزینێ ل ههرێمێ كرینه، مه یاداشتهك دایه وهزیرێ سامانێن سرۆشتی كو بزاڤێ بكهن بهرههمئینانا سوتهمهنیێ زێده بكهن ژبهر كو شیان یێن ههین ژبهر كو نوكه ملیۆن لتر دهێنه بهرههمئینان ئهگهر 500 هزارێن دی زێده بكهن، خهلك سرایێ بۆ پانزینێ ناگریت.
سهبارهت وێ یهكێ بۆچی ل هندهك پانزینخانان لترا پانزینێ ب 660 دینارایه و ل هندهكێن دی زێدهتری 750 دینارایه، ئهڤ یهكه ڤهدگهریت بۆ هندێ كو هندهك كۆمپانی نهدادپهروهیێ د دابهشكرنێ دا دكهن، ددهنه هندهك پانزینخانان و نادهنه هندهكا، مه داخواز ژ وهزیری كریه ئهڤ قورخكاریه نهمینیت و پانزینا 660 دیناری بدهنه ههمی پانزینخانان، پێدڤییه حكومهت خوه ل ڤی بابهتی بكهته خودان و نه ل ههر پانزینخانهكێ ببهایهكی بیت پێدڤییه بهایهكێ جێگیر بۆ پانزینێ بدانیت.
سهبارهت كێشا كوالتییا پانزینێ مهلا جیهاد دوسكی دیاركر؛ هندهك جهان نهفتا درست دگهل هندهك ماددێن پترۆكیمیایی دهێنه تێكهلكرن و ئهڤ چهنده دبیته ئهگهرێ ئاگربهربوونا ترۆمبێلێن خهلكی.
