نێچیرڤان بارزانی: پارتی پارێزه‌را سه‌ره‌كی یا قه‌وارێ سیاسی یا هه‌رێما كوردستانێ و ده‌ستكه‌فتێن وێ یه‌

نێچیرڤان بارزانی ب هه‌لكه‌فتا 75 سالیا دامه‌زراندنا پارتی په‌یامه‌ك به‌لاڤكریه‌ و تێدا دیاركریه‌: پارتی پارێزه‌را سه‌ره‌كی یا قه‌وارێ سیاسی یا هه‌رێما كوردستانێ و ده‌ستكه‌فتێن وێ یه‌
نێچیرڤان بارزانی دیاركریه‌: پارتى حزبه‌كا جه‌ماوه‌رى يا زندى يه‌ ل گه‌ل بۆرينا چه‌ندين قۆناغێن خه‌باتا ئاشكرا و نهێنى و شۆڕش و حوكمڕانيێ ب نويبوونا به‌رده‌وام و ته‌با ل گه‌ل گيانێ سه‌رده‌م دا، پارتى ژبۆ ئازاديێ هێشتا پێشه‌نگا خه‌باتا گه‌لێ كوردستانێ يه‌.
پارتى ل گه‌ل ئاليێن كوردستانى ئاڤاكه‌ر و پارێزه‌را سه‌ره‌كى يا قه‌واره‌يا سياسى يا هه‌رێما كوردستانێ و ده‌ستكه‌فت و فيدرالى و مافێن ده‌ستوورى يه‌، ب ته‌مامى ژى باوه‌رى ب ئێكرێزى و ته‌بایی و پێكڤه‌ژيانێ ل گه‌ل هه‌مى ئالى و پێكهاتێن كوردستانێ هه‌يه‌، هه‌روه‌سا ب ئۆمێد و باوه‌رى ڤه‌ گاڤان بۆ كار و ژيان و پاشه‌رۆژه‌كا باشتر بۆ گه‌لێ كوردستانێ د هاڤێت، پارتى خودان ئه‌زموونه‌كا زه‌نگينا ب رێڤه‌برنێ يه‌، ره‌نگڤه‌دانا بير و به‌رنامه‌ و ژياندۆستيا پارتى ل گه‌ل حوكمداريێ ژ گرنيگدان و گه‌شه‌پێدان ب شيانێن ژنان، لاوان و قوتابيان و هه‌مى چينێن دى يه‌ و وێنه‌يه‌كێ سه‌نگين ب وه‌لات و گه‌نجێن وه‌لاتى به‌خشيه‌ و پێگه‌هێ پێشكه‌فتنا به‌رچاڤا كوردستانێ د وارێ ديمۆكراسى، ئازادى، مافێ مرۆڤى و يه‌كسانيێ دا ديار و به‌رچاڤه‌كريه‌ و كۆمه‌لگه‌ها كوردستانێ ب چه‌ندين بهايێن مرۆڤى زه‌نگين كريه‌.
نێچيرڤان بارزانى هه‌روه‌سا دیاركریه‌: ده‌ستێ دۆستايه‌تيا پارتى هه‌رده‌م بۆ هه‌ميان ڤه‌كرى بوويه‌، بلا ژ ئێك د جودا بين، كاركرن ل گه‌ل جياوازيێن ئێك و دو ئه‌زموون و كلتۆرێ سياسى دێ زه‌نگين و سه‌نگين تر كه‌ت و پێگه‌هى ژى دێ ب هێزتر كه‌ت.