نێچیرڤان بارزانى، سەرۆکێ هەرێما کوردستانێ، ئه‌ڤرۆ ئێكشه‌مبى 12-9-2021 پێشوازى ل عەبدلعەزیز ئەلشمەرى، باڵیۆزێ عەرەبستانا سعوودیێ ل عیراقێ کر.
د كۆمبوونێ دا باڵیۆزێ سعوودیێ سڵاڤێن شاهـ سەلمان شاهێ عەرەبستانا سعوودیێ و میر محەمەد بن سەلمان جهنشینێ سعوودیێ ب نێچیرڤان بارزانى گەهاندن، هەروەسا گه‌شه‌پێدانا په‌یوه‌ندیێن عێراقێ و هه‌رێما كوردستانێ ل گه‌ل عه‌ره‌بستانا سعوودیێ، ره‌وشا عێراقێ و ده‌ڤه‌رێ ب گشتى، شه‌رێ دژى تیرۆرێ و مه‌ترسیێن داعشێ و چه‌ندین پرسێن دی یێن هه‌ڤپشك گۆتوبێژكرن.
باڵیۆزێ سعوودیێ پشتگیرییا وه‌ڵاتێ خوه بۆ سەقامگێرییا عیراقێ و ده‌ڤه‌رێ ب گشتى دەربڕى و هەردو ئالییان دوپاتی ل گرنگییا هه‌بوونا ڕوانگەیه‌كا هه‌ڤپشك و تێگەهشتن بۆ چه‌وانییا چارەكرنا ئاریشه و پاراستنا سەقامگێریێ ل ده‌ڤه‌رێ کر.
