پارێزگارێ دهۆكێ ل به‌رده‌ره‌شێ راگه‌هاند؛ وه‌ك تایبه‌تمه‌ندی حكومه‌تا هه‌رێمێ پشته‌ڤانییه‌كا مه‌زن و بودجه‌كێ مه‌زن بۆ قه‌زا به‌رده‌ره‌ش ته‌رخان كر.
دكتۆر عه‌لی ته‌ته‌ر، پارێزگارێ دهۆكێ ئه‌ڤرۆ د سه‌ره‌دانه‌كێ دا بۆ پرۆژێ رێكا 46 كیلۆمه‌تری ل قه‌ره‌ناز، داره‌توو و به‌شیریان یێن قه‌زا به‌رده‌ره‌ش راگه‌هاند؛ وان پێشبینی نه‌دكر د مه‌هه‌كێ دا 9 كیلۆمه‌ترێن رێكا 46 كیلۆمه‌تری یا به‌رده‌ره‌ش بهێنه تمامكرن كو به‌رییا مه‌هه‌كێ به‌رێ بنیاتێ هاتبوو دانان و به‌ری ده‌مێ دیاركری پرۆژه دێ ب دوماهی هێت و رۆلێ كاڤین گروپ ژی بلند نرخاند كو چ كێشه د پرۆژه‌ی دا نینن و ب شه‌ڤ و رۆژ كاردكه‌ت.
پارێزگارێ دهۆكێ پشتراست ژی كر، هه‌موو پرۆژێن دهۆكی یێن به‌رێ بنیاتێ بۆ هاتییه دانان دێ هێنه تمامكرن و هه‌موو پرۆژه بله‌زوبه‌ز و كوالیتییه‌كا به‌رز ده‌ستپێكرینه و هه‌روه‌سا دێ به‌رێ بنیاتێ بۆ هژماره‌كا پرۆژه و جاددێن دی ل دهۆكێ دانیت.
هه‌روه‌سا خویا ژی كر، حكومه‌تا هه‌رێمێ تایبه‌تمه‌ندییه‌ك دایه قه‌زا به‌رده‌ره‌ش و بودجه‌یه‌كێ مه‌زن ته‌رخانكرییه داكو پرۆژێن وێ بدوماهی بینن.
