خانی نیوز، سالار محەمەد دۆسکی:
رێڤەبەرێ پەیوەندی و راگەھاندنێ ل سەرۆکاتیا باژێرڤانیا دھۆکێ دکۆنگرەکێ رۆژنامەڤانی دا ئەڤرۆ ٢٩/١٢/٢٠٢٠ کارۆ چالاکیێن سالا ٢٠٢٠ بەرچاڤی سازیێن راگەھاندنێ کرن، دیارکر کو ھەتا ٤٠٠٠ ھزار خانیان ل دووڤ قانوونا ژمارە پێنچ یا پەرلەمانێ کوردستانێ دھێنە تاپوکرن.
ئسماعیل مستەفا محەمەد رێڤەبەرێ پەیوەندی و راگەھاندنێ ل سەرۆکاتیا باژێرڤانیا دھۆکێ، دیارکر کو کوژمێ گشتیێ پرۆژا (٥٢) ملیار و ٨٣ ملیۆن دینار و ھەژمارا پرۆژە (٣٢) کارڤەکرن و راستەڤەکرنا جادان (٢٩) ھزار و (٥٥٥) مەترین چار گوشەنه، سێ ھزار مەترین چار گوشە کارێ داگرتنا جادان، بەلاڤەکرنا تێکەلیكرنێ پتر ژ ٧٠ ھزاران، کلبوستی ١٦٢٨ مەتر درێژی و چەندین کارێن دی.
ئسماعیل مستەفای گۆت: دروستکرنا باغچا ژلایێ باژێرڤانیێ ڤە ئێک بوویە و باغچێن ناڤه‌ندا سێ بوونە و پێنچ باغچە ژلایێ خەلکی ڤە ھاتینە دروستکرن، ٣٩ ھزار و ٥٢٥ دارێن جورە و جور ھاتینە چاندن، کێشانا تورێن ئاڤدانێ پێنچ ھزار مەترێ، درێژی و گەلەک کارێن دی دبیاڤێ ناڤبری دا.
رێڤەبەرێ پەیوەندیان ئەو ژی گۆت: ھاڤێتنا گلێشی ١٧ ھزار تەن ھاڤێتنا بەرمایکێن باغچان ٢٠ ھزار تەن، بەرمایکێن مالا ٦٩ ھزار تەن، گەلەک بەرمایکێ، دی ژی.
لدور زێدەگاڤیان ژی گۆت: راکرنا ژوورا شەش بوویە و ٧٩ کەپر پەرژان ١٦٧ دەستەسەکرنا ترۆمبێلان ٩٧ و خرابکرنا بیستان ٩٦ خرابکرنا باغچان ٥٠ و گەلەک کارێن دی .
ل دور کەسانێن وەغەرکرین و ل گورستانا شاخکێ ھاتینە ڤەشارتن ناڤبری گۆت: ل سالا ٢٠٢٠ ھەژمارا کەسانێن وەغەرکرین و ھاتینە ڤەشارتن ل شاخکێ ١٢١٣ کەس وەغەرکرینە ھەتا ٢٨/١٢ ئەڤ سالە مری زێدەبووینە ژبەر کۆرۆنایێ، دەستیری ل ئاڤاھیان ٨٧٧ دەستیری ھاتینەدان بگشتی.
ل دوورتاپوکرنێ ژی گۆت: ١٠٠ خانی د ھێنە تاپوکرن و نێزیکی ٤٠٠٠ مامەلێن وەلاتیان ھاتینە وەرگرتن بۆ تاپوکرنا خانیان نوکە ژی کارێ ل سەر بەردەوامە.
