په‌رله‌مان ل دۆر ئێكه‌مێن زانكۆیێ و ماموستایێن وانه‌بێژ دێ كۆمبیت

پەرلەمانێ کوردستانێ ئه‌ڤرۆ ده‌مژمێر 11 سپێدێ دێ كۆمبیت و چه‌ندین بابه‌تێن گرنگ دێ گۆتۆبێژكه‌ت.

ژ گرنگرتین ته‌وه‌رێن دێ هێنه‌ گۆتۆبێژكرن:

ئێك: خواندنا ئێكێ بۆ پرۆژه‌قانونا سه‌رپه‌رشتیكرنا پرۆژێن چاندنێ ل هه‌رێما كوردستان- ئیراقێ.

دو: ده‌ست ژ كاركێشانا دابان محه‌مه‌د حوسێن، ئه‌ندامێ په‌رله‌مانێ كوردستانێ ژ ئه‌ندامه‌تییا لژنا ده‌سپاكییێ یا په‌رله‌مانێ كوردستان- ئیراقێ.

سێ: به‌رچاڤكرنا داوى دووڤچوونان ل دۆر بابه‌تێ سێ ئێكه‌مێن زانكۆیێ و مامۆستایێن وانه‌بێژ.

هه‌روه‌سا به‌رچاڤكرنا دووڤچوون و كارێن پێدڤى ب ره‌وشا سوته‌مه‌نیێ.

چوار: خواندنا دوێ بۆ پرۆژه‌قانونا هه‌موارا یاسایا بازرگانییا ئیراقێ یا ژماره‌ 30 یا سالا 1984 ل هه‌رێما كوردستان- ئیراقێ، هه‌روه‌سا پرۆژه‌قانونا به‌رهه‌مئینان و هنارتنا شتلان و تۆماركرن و په‌سه‌ندكرن و پاراستنا وان.